Vitoria-Gasteizko Jazz Jaialdiak klimatizazio sistema bat jarriko du egunotan Mendizorrotzako kiroldegian, jendeari esperientzia hobea eskaintzeko.
Uztailaren 15etik, asteazkena, 18ra, larunbata, zortzi kontzertu izango dira Jazz Jaialdiaren egoitza nagusian, akustika paregabeagatik nabarmentzen dena.
Vitoria-Gasteizek ezohiko egoera bizi izan du azken asteotan, tenperatura oso altuekin, eta horrek arriskuan jartzen zuen Mendizorrotzan egingo diren kontzertuen gozamena.
Horrela, jaialdiaren antolakuntzak azpiegitura bat instalatzeari ekin dio, udaleko zerbitzu teknikoekin elkarlanean, kiroldegiko tenperatura jaisteko eta zaleek Take 6, Sun Ra Arkestra edo Rubén Blades, besteak beste, ahalik eta ondoen entzuteko emozioa izan dezaten.
