Vitoria-Gasteizko Jazz Jaialdiak abian jarritako ekimen berriak harrera ezin hobea izan du zaleen aldetik.
36 ordutan agortu dira 46. ediziorako salgai jarri ziren zenbakirik gabeko ehun abonu itsu.
Horrela, zaleek Vitoria-Gasteizko Jazz Jaialdian duten konfiantza berresten da, izan ere, behin betiko egitaraua ezagutu gabe, 2023ko uztailaren 5etik 8ra Mendizorrotzako saio bikoitiak entzuteko aukera ematen duen abonua eskuratu baitute. Era berean, prezio berezia aprobetxatu duten zale berri ugari azaldu dira, Jazzaldiak bere esentziari leial jarraituko duela ziurtatuta, agertzen ari diren figurak jazzeko musikari sendoekin konbinatuz.
